යාලුවෝ ඕනම ද ?

සමහරු හිතනවා ඇති මම මොකද මේ වගේ දෙයක් ලියන්නෙත් කියලා. ඕනම කෙනෙක්ට හිතට එන දේ ලියන්න පුලුවන්. ඒකට කාගෙන්වත් ප්‍රශ්නයක් නෑ
ඇත්තෙන්ම ඕන. හැබැයි දුකේදී සැපේදී දෙකේදිම ඉන්න යාලුවෝ.
යාලුවෝ නම් හැමෝටම ඉන්නවානේ.... ඒ හැම කෙනෙක්ම එක්කම හොඳින් ඉන්න එක තමයි ලොකුම වැඩේ.සමහර කට්ටියට අඹ යාලුවොත් ඉන්නවා??
අනේ මට නම් අඹ යාලුවො නම් නෑ. ඒ වුණාට හැම ජාතියකම යාලුවො නම් ඉන්නවා
ලංකාවේ මේ කෙරෝලේ ඉඳන් ඒ කෙරවලට ගියත් මට යාළුවෙක් ඉන්නවා.නමුත් ඔය යාළුවන්ගෙන් අතේ ඇඟිලි ගානටත් අඩුවෙන් උදවු ඉල්ලන් තියෙන්නේ.හරිය බැලුවොත් ඒවා උදවු කියන්නත් බැහැ.පුංචි පුංචි එවුවා.
ඔයා යාළුවො අතරින් යාලුවෝ තුන් දෙනෙක් ඉන්නවා හිටියා
මං ඉස්සර හොඳට බීපු එකෙක් . බිලා හතර ගාතෙන් යන්නේ.බීපු දවසට මාව කාමරේට උස්සන් හරි බිම දිගේ ඇදන් ගිහින් හරි ඇඳෙන්ට දාලා බෙඩ්ෂිට් එකත් දාලා කාමරේ දොර වහලා එළියෙන් යතුර අරන් ගිය එකෙක් හිටියා.(හොස්ටල් හිටිය කාලේ ) අම්මා හරි තාත්තා හරි පුංචි කාලේ ඇඳට උස්සන් ගිහින් බෙඩ්ෂිට් එක දැම්මට පස්සේ හොස්ටලේ එකේ එකටම හිටිය එකා තමා ආයි වතාවක් මට ඒ දේ දුන්නේ.උ දන්නේ නැති උනාට මගේ හිතේ වූ ගැන පට්ට සහෝදර කමක් තියේ .
පස්සේ කාල් මන් ඔය ඉහත කිව යාළුවො තුන් දෙනාගෙන් එකෙක් කාර් එකක් ගන්නවා.උගේ කාර් එක ගන්න ගියෙත් මම .කාර් එකේ ටෙස්ට් රන් එක ගියෙත් මම.මන් බීපු දවසට මන් ගෙදරට දම්ම ගන්නේ උගේ කාර් එකේන්.රෑ එකට දෙකට උනත් මාව ගෙදරට දන්නා ඌ හිටියා.ඒ මං තිරිසන් විදිහට බීපු කාලේ මේ කාර් එක හිමි යාලුවා බොන්නේ නැහැ.පස්සේ පහු කාලෙක මු ක්‍රමක් ක්‍රමයෙන් පොඩි පොඩි මත් වතුර වර්ග තොල ගාන්න පුරුදු උනා.කාලයත් එක්ක උගෙයි මගේ තිබ්බ මිතු දම පොඩ්ඩක් විතර දුරස් උනා.මන්ද අපිට වර්තමානයේ වගකීම් කියලා දෙයක් ඉෂ්ට කරන්න වෙලා තියෙනවා.ඉස්සර හිටියා වගේ සැහැල්ලුවෙන් ජිවත් වෙන්න අපට පුළුවන් කමක් නැහැ.මු තවත් එක් යාලුවෙක්.
ගලාගෙන යන මේ ජිවිතේ දී මට තවත් එක් යාලුවෙක් හම්බ වෙනවා.අපි දෙන්නා රට වටේ ඇවිද්දා . පිස්සු කෙලියා කරන්න තියෙන කුප්ප වැඩ ඔක්කොම කළා. මු අදටත් අරක්කු සිගරට් බොන්නේ නැහැ.මට බොන්න අරන් දීලා තියෙනවා.අපි දෙන්නා කොහේ හෝ ඇවිදින්න ගිය අවස්ථවන් හිදී මං බිලා වැඩි උනාම , මහා පාර අයිනේ මු එක්ක මන් නිදාගෙන තියෙනවා.එක් පාරක් බස් හෝල්ට් එකක නිදා ගත්තේ.මුත් එක්ක තිබ්බේ මයේ පට්ටම මිතු දමක්. එතනින් එහාට ගිය සහෝදර බැඳීමක්. මුට ආදරයක් දළු ලන්න පටන් ගත්තේ. මගේ යාළුවානේ කියලා මං මුට ෆුල් සප් එක දුන්නා ලවු එක ගොඩ දා ගන්න.ඔහොම ටික කාලයක් ගියා.පස්සේ මු කෙල්ල හින්දා මා එක්ක තරහා උනා.ඒ සොඳුරු දවස හරියටම අද.අපි දෙන්නා එකට කෑවේ බිවුවේ. අවාරේ සිරිපාදේ ගිහින් දෙන්නා එක බුරුසුවෙන් දත් මැද්දා.එක බෙඩ්ෂිට් එකට ගුලිවෙලා හීතලට නිදා ගත්තා. අපේ වචනෙන් කිවොත් උඹ කි #$%^& හින්දා ගෙම්බෙක් උනා කියලා මට කියන්න බැහැ මචං.සමහර විට උඹේ කෙල්ල කියන්න ඇති ඔයාගේ බේබදු යාළුවගේ ඈත් උනොත් මං උයා එක්ක හැමදාටම ඉන්නවා කිලා. උඹේ සතුට මගේ සැපතයි මචං.එත් උඹට කවද හරි මාව ඕනේ වෙනවා කින එක මතක තියා ගනින්.
මං බිපුවාම කර ගහන්න හිටිය උන් තුන් දෙනා ක්‍රමක් ක්‍රමෙන් ඈත් උනා.අද සිද්දියත් එක්ක යාළුවො ඇත්තටම ඕනෙද කියලත් හිතෙනවා.
මට ඉස්කෝල කාලෙදි වගේම, . ක්ලාස් එකේදී, කැම්පස් එකේදී, හොස්ටල් එකේදී සෙට් වුන අයගෙන් අදටත් මාත් එක්ක හොද මිනිස්සු ටිකක් ඉන්නවා.නමුත් මට අදටත් උන්වත් තේරුම් ගන්න බැහැ.යාලුවෝ අනිවා අපිට ඕන ..අපිට සමහර දේවල් තනියම කරගන්න බෑ ! සමහර යාලුවෝ බොක්කෙන්ම. සමහරු ..යටින් ගේම දෙන්න බලං ඉන්නවා . හොඳ යාලුවා මොකාද කියලා අපිට මූනෙන් අඳුරන්න බෑ !ඇසුරු කරලමයි දැනගන්න වෙන්නේ ...
ගලාගෙන යන මේ ජිවිතේ දී ඉස්සරහට තවත් යාළුවො දහසක් දෙනෙක් මුණ ගැසේවි.අද හම්බ වෙලා හෙට වෙන් වෙයි.හමුවුනොත් වෙන් වෙන්න සිද්ද වෙනවා වෙන් වෙනවා කියන්නේ නැවත හමු විමක ආරම්බයක්.
~ තමන්ට තමන් විතරයි ඉන්නේ කියා මතක තබා ගත යුතුය ~